Shan Herald Agency for News (S.H.A.N.)

ထိုင်းနယ်စပ်အနီး ဈေးကြီးနှင့်အတူ လောင်းကစားဝိုင်းဖွင့်

E-mail Print

သျှမ်းပြည်အရှေ့ပိုင်း မိုင်းဆတ်မြို့နယ် ထိုင်းနယ်စပ်အနီး ယောင်ခါ နားယောင်းကျေးရွာဈေးဖွင့်ပွဲနှင့်အတူ လောင်းကစား ဝိုင်း လည်းဖွင့်လှစ်ကြောင်း ဒေသအတွင်း သတင်းရပ်ကွက် ပြောပါသည်။

coal-map
“ နိုဝင်ဘာ ၁၅ ကနေ နိုဝင်ဘာ ၂၆ ရက်အထိ ၁၁ ရက် ပွဲကျင်းပတယ်။ ဗမာပြည်က နာမည်ကြီးအဆိုတော်တွေ ၁၀ ယောက်ကျော်လာတယ်။ ဂုံဂင်းတို့၊ ဂျင်ဝိုင်းတို့ အစရှိ လောင်းကစားဝိုင်းတွေရှိတယ်။ ပွဲပြီးတဲ့ နောက် တရက် ၂၇ ရက်မှာ ဈေးနေ့သတ် မှတ်ပြီး ၅ ရက်တဈေး ရှိသွားမယ်လို့ကြေငြာတယ်” ပွဲသို့ဈေးသွား ရောင်းသည့် မိုင်းဆတ်ဒေသခံတဦးက သျှမ်းသံတော်ဆင့် အားပြောပါသည်။

သျှမ်းပြည်အရှေ့ပိုင်း မိုင်းဆတ်မြို့နယ် ၀ တပ်ဖွဲ့ထိန်းချုပ်နယ်မြေ ယောင်ခါ နားယောင်းရွာတွင် ဈေးဖွင့်ပွဲကျင်းပရာ ၀ တပ်ဖွဲ့အကြီးအကဲ မိုင်းလားအကြီးအကဲ သျှမ်းပြည်ပြန်လည်ထူထောင်ရေးကောင်စီ သျှမ်းပြည်တပ်မတော် RCSS/SSA မှ အကြီးအကဲများလည်း တက်ရောက်ကြကြောင်းသိရသည်။

ထို့အပြင် မိုင်းဆတ်မှ စကခ ၁၄ မှူး၊ ခရကမှူး၊ ရဲ မှူး တို့မှအပြင် ကျိုင်းတုံမှ ဂျီဝမ်းလည်း တက်ရောက်ကြောင်းသည်ဟု ဝ အရာရှိငယ်တဦးကပြောပါသည်။ 

“ဈေးဖွင့်ပွဲကို ကျနော်ရယ် ကျနော့်တပည့်နှစ်ယောက်ရယ်သွားတယ်။ ၀ ခေါင်းဆောင်တွေနဲ့ ကျနော်တို့သွားတွေ့တယ်။ ဗဟိုကော်မတီဝင် လူကြီးတွေနဲ့လဲတွေ့ခွင့်ရတယ်။  မြောက်ပိုင်း ဒုစစ်ဒေသတပ်မှူး နဲ့လဲတွေ့တယ်။ ကျနော်တို့နဲ့ သူတို့ ဆက်ဆံရေးက ကောင်းလာပါပြီ။ ညီရင်းအကိုလို သဘောထားပြီးဆက်ဆံဖို့။ လွတ်လပ်စွာဝင်ထွက်သွားလာဖို့ ကျနော်တို့ကို ပြောတယ်။ ကျနော်တို့အနေနဲ့လဲ ဝမ်းမြောက် ဝမ်းသာဖြစ်ရတယ်လေ” - ဟု ဈေးဖွင့်ပွဲ သို့ရောက်ရှိခဲ့သည့် သျှမ်းပြည်ပြန် လည် ထူထောင်ရေးကောင်စီ ငြိမ်းချမ်းရေးဆွေးနွေးရေးကော်မတီဝင် ဗိုလ်မှူးချုပ်စိုင်းလူး ကပြောသည်။

အတည်မပြုနိုင်သေးသည့်သတင်းအရ UWSA ဝ တပ်ဖွဲ့ဦးဆောင်ဖွင့်လှစ်သည့် ထိုင်းနယ်စပ် နားယောင်းရွာဈေးဖွင့်ပွဲနှင့် အတူ ကာစီနိုလောင်းကစားရုံကြီး ဖွင့်လှစ်ခြင်းသာ ဖြစ်သည်ဟုလည်း ပြောသံထွက်နေပါသည်။ 

 

Video news on September 2014

 

ကွဏ်းခေါ် ဝီစီဒီ ပရိသတ် အားလုံးကို အသိ ပေးခြင်း

 

သျှမ်းသံတော်ဆင့်သတင်းဌာနမှ ၂၀၁၁ ဂျူလိုင်လ မှစ၍ ထုတ်ဝေ ဖြန့်ချီ လာခဲ့သည့် ကွဏ်းခေါ် ဝီစီဒီ (သျှမ်း ဘာသာ၊ မြန်မာ စာတန်းထိုး) ကို ၂၀၁၄ မေလ မှစ၍ ရပ်နား ထားပြီး ဖြစ်ပါသည်။ ရှေ့ဆက် ထုတ်လုပ် မည့် ဗီဒီယို များကို Mong Loi Youtube Channel နှင့် Panglong Video Facebook တွင် ဆက်လက် တင်သွားမည် ဖြစ်ပါသည်။

ကွဏ်းခေါ် ဝီစီဒီကို အားပေး လာခဲ့ ကြတဲ့ ပရိသတ် အားလုံးကို အထူး ကျေးဇူး တင်လျှက်…..

သျှမ်း သံတော်ဆင့် သတင်း ဌာန ဝိုင်းတော်သား များ

Funding Notice ff

သတင်းများကို Email ကနေရယူဖတ်ရှုရန်အတွက် သင့် Email ထဲ့ပြီး Subscribe နှိပ်လိုက်ပါ။:

cover

အခြားဆိုဒ်များ

www.shanland.org
သျှမ်းသံတော်ဆင့်၏ အင်္ဂလိပ် စာမျက်နှာ ဖြစ်သည်။
www.mongloi.org
သျှမ်းသံတော်ဆင့်၏ သျှမ်း စာမျက်နှာဖြစ်သည်။

www.khonkhurtai.org
သျှမ်းသံတော်ဆင့်၏ ထိုင်း စာမျက်နှာဖြစ်သည်။
www.bnionline.net
BNI (သို့) နိုင်ငံတကာမြန်မာ့သတင်းသည် မြန်မာပြည်မှ လွတ်လပ်သော သတင်းအဖွဲ့ ၁၀ ဖွဲ့ ဖြင့်ဖွဲ့စည်းထားသော သတင်းကွန်ယက်ဖြစ်ပြီး သျှမ်းသံတော်ဆင့်သည် ၎င်း၏အဖွဲ့ဝင်ဖြစ်သည်။

ASEAN CelebrityAt Fonts - Free Fonts